Nosse Gazette veut l'djoû totes les samainnes comité de rédaction: WILMART, J., rédacteur en chef'—- E. LAMBRECHT, MARIOTTE. directeur-fondateur: E. LAMBRECHT. secrétaire de la rédaction: Maurice BERNARD, Soesterweg, 163. les manuscrits engagent la responsabilité de leurs auteurs et ne sont pas rendus. adresser la correspondance au bureau de rédaction: village elisabeth 62, amersfoort. les abonnements commencent le 1er dimanche de chaque mois. — la correspondance doit nous parvenir le mardi au plus tard. L'Arrivaie" ! I vint dè r'çure on télégramme â camp et i coure ... i coure, il est tôt pierdou ... si feume arrive ! Fivreus'mint, enn'è fait pârt âx camarades. Po on pau, i dans'reut avâ les alleies. Qu'on n'ii jâse nin dè l'guérre, ni d'1'internemint, ni d'aut'chwè ! Si feume arrive! Bin vite, i s'rind â bureau di s'division. Li timps di li fer s'permission et volà nosse st'homme so l'vôye, l'âme è jôye, li coûr battant, li pîd lèdgîre, ine tchanson âx lèpes... Volà De Bie ... vite, ine pinte, puis en route ! Volà l'gâre. Elle vairet â train di deux heures et d'meie. Il est st'ine heure.. . elle est st'à Utrecht sûr-mint astheur ! Ine heure ou qwârt... Bonjoû, Jâcques ! Mi feume arrive! brait-i à on camarâde qui passe! Ell'braireut bin sos tos les teuts! Si feume arrive! Si feume, ses carpais! Volà treus ans qui n'si sont pu veyou. Et li p'tit dièrain, qui n'kinohe nin co, qui s'rafeie dè l'veuïe! Ine heure et d'meie! Bon Diu, qui l'timps sonle long !... et i s'pormônne àd'divant dè l'gâre ... Deux heures, deux heures on quârt! I n'y sint pus ; i prind st'on coupon et voilà so l'quai. On côp d'hufflet !... volà l'train ! I sèrre ses dints. Ses jambes tronlet. I li sonle qui n'a pu n'gotte di sonk è cwérp. Ses ouyes fixet st'à fé sogne. Ine âbion sorte d'ine vwèteure... on côp d'ouyes .. . deux cris — deux cris qui râyet des lâmes à tôt qui a on pou de cour — is sont d'vins les bresses onk di l'aute! Puis c'est l'tour des p'tits. 0 les jônais quir'trovet leu pére, qué tâv'lai qui fait sori et crive li coûr dè ci qui s'arresteie ! C'est des bâhes, des caresses, des „Papa" des „Mamé" à n'pu fini. Adon, on s'rilouque. Mon Diu, qui l'guérre a candgî des visèdges. Comme so les traits des ainmés qui v'net di s'sâver foû dTinfér, on lét les soffrances et les pônes passeies ! Qwand âx p'tits, zels, ni pinsez nin qui sont mâx. Nos feumes ont mâqué d'tot, minsleu prumî mot, c'est po dire : „Les èfants n'ont mâqué d'rin, savez, fis !" Profondès paroles qui bin des gins ni comprindront mâïe: „Les èfants n'ont mâqué d'rin!" — Et d'faîte, is ont des bons visèdges, on bai costume, des bons solés ... Kibin sovint l'mére a-t-elle divou s'pâsser d'tot po d'ner çou qui fât âx èfants! Adon, c'est l'sôrteie. C'est l'coûsse après n'tchambre (ah ! ces tchambes-là, qwand âret-on po lodgî tos les novais v'nous?) c'est l'coûsse âx cartes di pan, âx cartes di totes sorts; c'est l'côp d'oûye âx vitrines di magasin, wisse qui l'feume trouve qui „tot est bin bon marchî è l'Hollande!". C'est les èfants qui volet dè tchocolât, qui n'ont pu awou dispauïe si longtimps !... c'est les courreies disqu'à l'nuteie. Dimain, on pwèrtret des novelles àx k'nohances, âx camarâdes, âx cis d'âtoû dè l'mohonne. Mins houije ... Houije, tôt à l'djoije di s'aveur ritrover, on s'rapins'ret ses djonnès anneies, on jâs'ret des vîx, des cis qui n'sont pus, dè l'mohonne, dè manège ... L'homme diret st'à s'feume ses soffrances, et lèye, après li aveur raconté les mots des èfants et les pônes passeies, lî frèt rouvî totes ses misères et l'guérre divins n'bonne bâhe dont il aveut pierdou l'saveûr dispauïe treus ans ! Jean Wilmaet. A nos abonnés. — Pour la facilité des écritures, nous prions nos abonnés de nous envoyer le montant de leur abonnement anticipativement et par période de trois mois. Prix des abonnements : 10 cents par mois pour les internés dans les camps; 15 „„„ v „ au travail; 25 „ „ „ „ „ autres personnes. A Harderuri/jk, s'adresser à Monsieur Julien Mille, sous-ofT. 9e de ligne. NUMERO 12 PRIX: 2 CENSES ET D'MEIE 22 SEPTIMBE 1917

Er is geen OCR tekst voor deze krant.

Er is geen OCR tekst voor deze krant.

Er is geen OCR tekst voor deze krant.