AMON NOS AUTES Nosse Gazette veut l'djoû totes les samainnes comité de rédaction: WILMART, J., rédacteur en chef. — E. LAMBRECHT, MARIOTTE. directeur-fondateur: E. LAMBRECHT. secrétaire de rédaction: BERNARD MAURICE, Soesterweg, 163. les manuscrits engagent la responsabilité de leurs auteurs et ne sont pas rendus. adresser la correspondance au bureau de rédaction: village elisabeth 62, amersfoort. les abonnements commencent le 1®^ dimanche de chaque mois. — la correspondance doit nous parvenir le mardi au plus tard. Interné ! Qwand on r'houqua les hommes po disfinde les frontières, Piérre, tôt simplumint, comme tos ses camarades, dèrit: „C'est bon! On rinteur'rèt!" Qu'esteut st'hureux portant ! Corègeux, conscincieux, ainmaut s'feume et s'cârpai, viquant, ovrant por zels, pârtègeant ses quéquès heures di liberté inte ses vîx parints et si p'tite famille, Piérre n'âreut nin d'né s'plèce po l'cisse di tos les saints dè paradis. On mâva vint sofla so l'térre ètîre... adiè bais djoûs, râvions, tchansons et jôyes ... c'est l'guérre!! Li sèm'di â matin, Piérre riçuva s'papî. Après aveur rabressi tos les cîs qu'il ainméve, l'âme è pônne, li coûr serré, èn'alla, et fant n'fwèce so lu-minme, i so-riéve âx sonk tôt d'hant: „Bah! ji r'vairet d'vins qwinze djoûs, on meûs tôt â pus!" I n'si dotéve nin di çou qu'advinreut d'iu. Saudârt des vilès classes, Piérre fat, comme ses camarâdes, si d'voér divant Anvers, et qwand les diè-rains hommes di l'ârmeie moussit st'è l'Hollande, nosse planket passa l'frontiére avou les cis di s'rédjumint. Dirigé so on camp d'internés, nosse Piérre si dèrit d'abord qui l'sôrt esteut bin deur por lu d'esse séparé des autes, puis pinsa qui si d'voér li k'mandéve dè hoûter ses chefs et dè d'moni là qui l'Destineye l'aveut st'aminé. Tôt passe ... tôt lasse ... Yola bin vite treus ans qui nosse pauve diale est st'è camp. I toûne ... I toûne ... I toûne âtoû des fis d'ârca... et tôt tournant, i tûse ... I tûse âx cis qu'sont là, è l'coulèye, qu'el rawârdet todis et qui trovet les qwinze djoûs bin longs! I tûse à s'vîle mére, à s'vîx pére, qui l'pwèds des anneies a d'vou bin cangî et s'dimande si s'ritrouv'ret ad'lé zels pos l'zî dire li dièrain adiè ... I tûse à s'brave feu me, qui l'ainméve tant, et s'dimande s'elle n'a nin trope di misère. . . I tûse à s'fîs.. si fis, si Jhan, tote si veye, tos ses espwérs, si fis qui grandihe, qui d'vint st'on p'tit homme. Pinse-ti co à lu? Rik'noh'ret-ti co s'papa? Qui dis-ti? Qui fait-ti? Ni li mâke-ti rin?... Et s'pinsaie si pwète adon vè l'belle Moûse, vè l'veye di Lîdge. I tûse âx camarâdes qui n'riveuret pus, à l'mohonne â p'tit jârdin, à l'ovreu wisse qui l'djoyeuse tchanson des mârtais so l'èglome a fait pièce à l'grande pâhulisté dè l'mwért. . . I tûse qui l'guérre deure ... qui les sonk ont faim et qui, portant, il a deux bons bresses, qu'il est plein d'corège po z'ovrer, et qui d'meure chai, comme on condamné à mwért, comme on r'bus di l'humânité, à tourner âtou des fis d'ârca ... Et i sérre ses pognes! I s'morfond ! I s'trind s'tiesse à deux mains et s'dimande à totes les heûres dè l'djour-naie si l'sottrèye n'inteure nin è s'cerveai et çou qu'il a bin polou fé d'mâ po qu'on l'arrindge di pareie manîre ! Si l'novelle dè l'pu p'tite avance des Alliés li parvint, on veut s'visèdje tôt rimpli d'contint'mint. Si, â contrâve, c'est l'in'mi qu'avancihe, i s'riplonque divins ses neurès ideies. On djoû d'contint'mint... On joû d'désespwér, volà l'veye da Piérre dispauïe treus ans. Et l'veye da Piérre est l'veye di tos les autes internés. Les meyes d'hommes qui sont d'vins les camps sont tos des Piérre, des bravés gins qui n'sohaitet qu'd'ovrer po nourri leu famille et qui sont là à s'dimander qwand on n'èrrir'ret. Ça sonle long, c'est long. .. trop long, po l'çi qui, comme zels, est sins novelle, sins djôyes, sins douceûrs et surtout, ô surtout! sins liberté. Li liberté ! ! ! Vol'chal, fré Piérre! Vol'chal, frés internés! Elle kimince à pontî. .. elle va bin vite lûre ! Eco on p'tit NUMERO 10 PRIX: 2 CENSES ET D'MEIE 8 SEPTIMBE 1917

Er is geen OCR tekst voor deze krant.

Er is geen OCR tekst voor deze krant.

Er is geen OCR tekst voor deze krant.