Nosse Gazette veut l'djoû totes les samainnes J COMITÉ DE RÉDACTION: G. FONTAINE. — E. LAMBEECHTS. — L. MARTIN. — J. WILMART. — M. BERNARD, Secrétaire t • Les manuscrits engagent la responsabilité de leurs au- î Adresser la Correspondance concernant: | teurs et, comme les Belges, ne se rendent pas. La cor- j l^dM?NIStÎî%ON?''Û—Jl, j respondance doit nous parvenir lé mercredi au plus tard. 5 les abonnements commencent le 1« dimanche de chaque mois. Manèdge di guerre. A Victor Longrée. Mi camarade Tchâles est st' hureux, si feumme et s'feie sont v'nowes foû di l'grande préh'nire qu'est-st-astheur nosse pays. I li a naturel'mint fallou qwèri on lodgisse, çou qui n'a nin stu comme on papi d'musique, les tchambes sont pus qui rares et Tchâles est fwert malâheie à continter. II a fini par trover dgîse à Woensel, „ine saqwè d'chenu" dis-t-î to m'fant n'clignette „vos vairez veyi çoula dimègne". Dji a stu. Dâ d'foû li mohonne est fwert belle. Mi camarâde mi rawâde so l'soû, i m'fait gripper saqwants grés po s'arriver ès si d'morance. Djusse comme nos arrivans so l'pas d'gré, li feumme grusinéve les dièrain-nes royes di : „Où peut-on être mieux". C'esteut d'bonne aweure. Dj'inteure divins n'tchambe grande comme on rodge norèt d'potche à cwaraix; deux tcheyires, on hame, ine petite tâve et n'saqwè qui ravisse on banc d'couhenne, fet tos les frais di l'ameublement, mins d'ine propreté... ! Dji four rit r'çu comme on l'est st-amon nos autes, comme on prince. On buva n'jatte di fwèrt café et puis, naturel'mint on k'minça st'à djâser di çou qui nos tint l'pus à cour,... dè pays Tchâles, qui n'piède nolle occasion dè dire li sonk, mi raconta qui les dgins n'estits nin co si malhureux pusqui parvinît magré les deurs timps a mette ine saqwé d'costé. — Nin possipe surmint, responda-dje. — Sia, vix fré, vola m'feumme dimandez li si tôt l'monde n'a nin mettou d'costé li paile et l'banstai à oûx .. . Nos fis l'èkwance dè rire et nosse pinseie en n'alla vès les cîy nui soffrihet,. — Ça fait qui vos v'ia tranquille ainsi nosse dame? — Dji sereus mâlâheie si dj'n'esteus nin continne édon, ci n'est nin comme ès s'mohonne ciette, mins quand on est st-essonles .. . — Yos n'avez nin trope di pièce po v'kitaper à çou qu'dji pous veyî. — C'est çou qui v'trompe", dérit Tchâles, „nos n'avans qu' deux p'titis tchambes, c'est vraie, mins qui r'présintet ottant d'plèce qui dja st-ideie dè n'n'avu". — Dji n'comprinds nin fwert bin. — A qwé bon s'aller mâgryî pac'qui mâque çouchal ou çoula, li vraie bonheur, veyév' c'est di savu s'con-tinter d'pau et bin ... quand m'feumme deut cure l'amagnî, li tchambe prind 1' no d'couhenne; quand on magne, elle candge co d'no, deus-dje sicrire, c'est l'bureau et ainsi avou tôt pareie; çou qui fait qu'à n'nin louquî trop près, dji ni pous dire hureux... et puis c'est l'guerre. — Awé, c'est l'guerre ... ! — Tôt rawardant des timps meyeux. dji ni dispaitche dè rire di tôt po n'nin esse oblidgî dé n'nè plorer! — Et vos avez bin raison ... Quimmint qu'vosse pitite est dginteie! Sét-elle dèdja l'hollandais? Vos allez li apprinde. „Had je me maar", sur'mint? Po tote response li feumme fat tchanter s'feie, qui dèrit, avou l'sintumint qui baicôp des grands n'ârit nin, „Pitite mére" da Djoseph Vrindts. Li p'tite vinéve di ni dinner n'fîre lèçon, dje l'rabressa d'bon coûr. Comme li timps passe vite qwand on est st-è bonne kipagneie ! l'heure di l'appel esteut st-arrivaie qui dji ni aveut veyou qu'dè feu. Dji m'rissètcha bin à r'grèt après avu promettou qui dji r'vaireut sovint. So l'pas d'gré, dj'ètinda ,,1'bonheur" grusiner: „dji sos chai" et djè n'n'alla, tusant, serrant sogneus'mint l'pwète. Lucien Martin. PRIX: 2 CENSES ET D'MEIE 10 NOVIMBE 1917 NUMERO 19

Il n'y a pas de texte OCR pour ce journal.

Il n'y a pas de texte OCR pour ce journal.

Il n'y a pas de texte OCR pour ce journal.