AMON NOS AUTES Nosse Gazette veut l'djoû totes les samainnes j COMITÉ DE RÉDACTION: * ; G. FONTAINE. — E. LAMBRECHT. — L. MARTIN. — J. WILMART. — M. BERNARD, Secrétaire « « î Les manuscrits engagent la responsabilité de leurs au- ♦ Adresser la Correspondance concernant : l teurs et, comme les Belges, ne se rendent pas. La cor- 5 L^DMIMSTRATC ; respondance doit nous parvenir lé mercredi au plus tard. ; les abonnements commencent le 1« dimanche de chaque mois. „ Conseil de Wallonnie". Les Gazettes: L'occupant va créer un „Conseil de Wallonnie". Ça y est! I n'mâquéve pu qu'çoulà! uosse malhè-reuse cwène wallonne va t'esse kichesseye po qu'elle faisse comme ii groupe di „d'meie-doux" qu'a trové moyen dè mette so pîds li fameux ,, Conseil des Flandres" ! Il est vraie qu'on n'comprindreut nin, por zels, onk sins l'aute, pusqui nosse pays, à leus oûyes, est côpé' ès deux. Adon, po d'uê on semblant d'fwèce â prumî en date, i falléve bin qu'on akoukasse dè deuxinme. Eh bin! qui çila qu'a compter so les Wallons poli d'ner on côp d'main d'vins cisse mâssite bèsogne-là mi permette di li dire qui s'a hèré l'deugt è l'oûye disqu'â coûde! Les Wallons ni rott'ront nin! E pays, i n'rot'ront nin! Pasqui turtos savet qui l'heure est trop grave et qui, pus qu'jamaïe, on deut s'ridressî et braire : Vive li Belgique, eune, ètîre, uneie, ine Belgique dî frés, qui seyessent Flaminds ou Wallons! A front, i n'rott'ront nin ! Pasqui nos camarâdes ni rick'noh'ront maïe âx cis qu'els ont tchessî foû d'ieus pays à côps d'canon ou d'mitrailleuses li dreut d'iè y imposer qwè qui c'seuye, po l'zis mostrer qu'on n'dompteye nin nosse fîr Lion! Et nos autes, chai, internés ou réfugiés, admettrans-gne l'idée des cis qui sayet dè côper è deux nosse pays dèdjà si p'tit? Nenni, nos n'el frans nin ! ! Pasqui, dispauïe li qwate d'aouss 1914, nos avans djuré qui nos n'frîz pus qu'onk po disfinde nosse cwène di térre, qui nos lairîz d'costé les quarelles di manèdge, et qui l'parole d'on Wallon est, et deut d'moni, parole d'honnête homme ! On a fait on „ Conseil des Flandres". Avans-gne jamaïe rin dit disconte? Nenni! Chai, è l'Hollande, li question a fait cori baicôp d'inche. Avans-gne pris pârt à l'discussion? Nenni! Les gazettes belges ou hollandaises ont r'dispierté l'question des linguèdges, et ont.rataké à discuter li „pour et l'conte". Avans-gne pris l'parole â nô des Wallons? Nenni! Et poqwè çoulà? Pasqui nos avans promettou dè n'nin discuter çoulà tant qu'in'Allemand foul'reut l'térre belge. Pasqui les çis qui fet c'iaid ovrèdge-là chervet n'mâle câse et qui nos n'volans nin les sûre so c'terrain-là. A l'occupant, nos d'hant: „Vos estez l'maisse po l'moumint et vos fez çou qui v'plaît. Nos n'avans rin à dire, c'est l'raison dè pus fwért. Mins fez çou qu'vos volez, comme nos avans stuk onk po nos disfinde, nos riviers'rant çou qu'vos ârez fait d'on seul côp. C'est st'ine question d'timps." Ax autes, âx nosses, âx sèmeus d'displis qui pwèrtet l'nô d'Belge et qui fet çou qui pollet po raminer l'guérre inte Flaminds et Wallons, nos d'hant: „Por vos ossu, c'est st'ine question d'timps. On djoû vairet, bin vite, qui nos r'vairans st'amon nos autes. Mins tôt s'espèrant bin qui les diffèrinds inte Flaminds-Wallons sèront st'arrindgîs po l'pus grand contint'mint di turtos, i n'âret portant n'saqwet wisse qui nos sèrant vite d'accwérd: c'est dè tchessî foû d'nos autes li bande di rin-n'vâx qn'à st'aminé co pu d'miséres à nosse pays, qu'enn'aveut portant st'assez!" Et qwand à vosse „ Conseil de Wallonnie", permettez-m'di v'dire çouchal : ni v'dinez nin l'pône di l'èmantchî, vos n'ârez nin l'timps dè l'fer fonctionner, ca vos sèrez r'tchessî è vosse trau avant çoulà. Mins si l'mâlheur volasse qui çi n'fourihe nin co po astheur, qui nos d'vrîs co rawâde, alors, leyîm'vi braire bin reud di mi p'tite cwène di Hollande: „Vive li Belgique ètîre, vive li Belgique uneie!" et qwand à vosse séparâtion, tant qu'astheur qui vos estez maisse : „Nenni ! nenni !! treus millions d'feies nenni! po les treus millions d'Bel-ges qui viket st'è l'Wallonneye! ! Jean Wilmart. NUMERO 21 PRIX: 2 CENSES ET D'MEÏE 25 NOVIMBE 1917

Er is geen OCR tekst voor deze krant.

Er is geen OCR tekst voor deze krant.

Er is geen OCR tekst voor deze krant.