AMON NOS AUTE5 Nosse Gazette veut l'dioû totes les samainnes S COMITÉ DE RÉDACTION: G. FONTAINE. — E. LAMBRECHT. — L. MARTIN. — J. WILMART. — M. BERNARD, Secrétaire • Les manuscrits engagent la responsabilité de leurs au- ♦ ; teurs et, comme les belges, ne se rendent pas. La cor-«j respondance doit nous parvenir le mercredi au plus tard. S Adresser la Correspondance concernant: ; LA RÉDACTION: Village Elisabeth, 62, A'foort (Holl.). • L'ADMINISTRATION: Oude Dievenweg, 21. id. 5 Les abonnements commencent le 1k dimanche de chaque mois. • Rimimbrances. C'est l'hiviér. Li prumîre nivaïe est touinaie. Li nute tome. Ji sos tôt seu et assiou, à l'figniesse sèreie, dji tûse . .. Dji tûse â passé. Dji tûse â timps wisse qui nos vikît st'hûreux è nosse mohonne et dji m'rapinse les longuès cîses d'hiviér passeies âtoû dè feu. Dji m'rapinse les pârteies di cwârdjeus amon Piérre ou Paul. Les bellès pârts di whist, di match ou d'piquet qu'on féve adon ! Qwatte bons camarâdes âtou d'el tâve, ine gotte ou l'pot à l'bîre po qwand on aveut seu, on cigare ou bin n'pipe âx lèpes, et èvoye, savez-là ! les ,attotte!" „dji côpe!" et „dj'enn'è r'jowe!". Li lampe tapéve ine clârté rédjouwihante. Li feu ronfléve et s'châleur montéve â coûr. Li feume, è l'couleye, trieotéve ou rapestéve ine sort ou l'aute, hoûtant les blagues qui les hommes racontît, soriant des couyonnâdes qui l'djoyeux compère d'el bande tapéve à tôt moumint. Qu'elles estis bonnes, les doucès soèreies qu'on pas-séve adon, et qu'on aveut l'âme è pâïe et l'coûr contint, qwand on s'sohaitîve li „Diè Wâde" et qu'on n'èralléve chasqueune è. s'mohonne ! Po les pus djônes, c'esteut les bals, les cours di danse, wisse qui nos hanteus si r'trovîs; c'esteut les soèreies di comèdeyes, wisse qui nos dramatiqueus et nos tchanteus d'occasion fit leus prouves. On meus, deux meus divant l'fiesse, discutez-v't'on è vièdge d'el pièce ou des acteurs 11 Po les autes, c'esteut l'thèïâte, li cinéma, les music-halls. Tos les dimègnes, on veyez-v'les amateûrs fer l'cowaie po s'avu leu pièce â „ paradis" ou po s'aller veyî l'novai film. Et dè londi â sèm'di, on discutéve li pièce, on s'ègadgive à l'aller veyî, tôt s'rafiant dè trover ine aute saqwè à l'affiche. Qu'on esteut djoyeux! Qu'on esteut st'hureux, sins l'saveur! Houye, tôt çoulà est vraimint rouvî. On n'tûse pu â thèïâte, â cinéma, âx bals ni âx soèreies di cwârdjeus l'alnute. On n'tûse qu'à s'aller vite couki, po s'pâgnî del loumîre ou dè tchâffèdge li pus possipe et l'pus grande des pinseies di l'homme, si seûl ideie so l'qu'elle il est makté, c'est todis l'minme : li guérre ! Li guérre, qui les nosses supwertèt tôt s'dimandant cou qu'ont fait po mériter pareil fârdai. Li guérre, qui nos a st'appris çou qu'c'esteut li misère, li soffrance et les privations. Li guérre, todis l'guérre ! Qwand finiret-t-elle ? Tos les djous, les novelles sonlet pus mâles, pasqui nos allans todis pus long. Tos les djous on s'mâgrieie, pasqui ça n'va nin assez vite. Et portant, les autes, zels, divins les trancheies di l'Yser, è l'nivaïe, è l'plaive, è freud, dizos les bombes des avions et des canons, face âx fusiks et âx mitrailleuses, tûset, tôt montant l'guârd, comme nos autes, âx bonnès cîses di d'vins l'timps et c'est d'vins ces rimimbrances qui trovet l'fwèce et l'corège qui fât po d'moni ainsi, face à l'én'mi. Et c'est po çoulà qui nos autes, nos n'polans nin nos leyî abatte et qui nos d'vant tchessî nos neurès ideies. Nos d'vant esse fwérts divant nos misères, pasqui n'a co pus mâlhèreux qu'nos autes et qui nos n'avant nin co, mutwè, vûdî l'fond dè sètche âx pônnes. Wardans bin nosse corèdge. Après l'plaive, li bai timps vairet, après les spènes, les rôses. Nos les r'veurans les bonnès cîses et elles nos gostront mîx pasqui nos ârans soffrou. Et pus tard, âtoû dè feu, tôt buvant l'gotte et foumant n'pîpe, qwand nos nos r'trouv'rans avou nos plankets dè front, nos r'jouw'rans whist, match ou piquet et, timps in timps, à l'tâve, on s'arrestet dè pougnî, ca onk des nosses kiminc'ret st'ine histwère: NUMERO 24 PRIX: 2 CENSES ET D'MEIE 16 DÉCIMBE 191

Er is geen OCR tekst voor deze krant.

Er is geen OCR tekst voor deze krant.

Er is geen OCR tekst voor deze krant.